Yozning oxirigacha frontda faol janglar olib boriladi. Va kuz-qish kampaniyasining borishi asosan ruslarning yo‘qotishlarni qoplash qobiliyati bilan belgilanadi. Bu haqda Ukraina Mudofaa vazirligi razvedka bosh boshqarmasi boshlig‘i o‘rinbosari Vadim Skibitskiy RBC-Ukrainaga bergan intervyusida ma’lum qildi.
Ukraina razvedkachisidan bu yilgi urushning borishi haqida bashorat qilish so‘ralganda, u hozircha faqat keyingi 2-3 oy haqida ishonch bilan gapirishi mumkinligini aytdi.
"Faol jangovar harakatlar bo‘ladi. Ham hujumkor, ham mudofaa xarakteriga ega, chunki Ukrainaning strategik maqsadi barcha hududlarimizni ozod qilishdir", dedi Skibitskiy.
Uning so‘zlariga ko‘ra, yozning o‘rtalariga kelib, Rossiya modernizasiya, qayta guruhlash va yangi tuzilmalarni shakllantirish bo‘yicha o‘z rejalarini amalga oshira oladimi yoki yo‘qmi, aniq bo‘ladi.