Ukraina prezidenti Pentagon rahbari bilan frontdagi vaziyatni muhokama qildi

Ukraina prezidenti Vladimir Zelenskiy Germaniyadagi Ramshteyn aviabazasida bo‘lib o‘tgan kontakt guruhining 25-yig‘ilishi doirasida AQSh mudofaa vaziri (Pentagon rahbari) Lloyd Ostin bilan uchrashdi.

Bu haqda Zelenskiy ijtimoiy tarmog‘ida yozdi.

"Men Lloyd Ostin bilan Ukrainani qo‘llab-quvvatlash masalasini muhokama qilish uchun uchrashdim", — dedi Zelenskiy.

Ukraina rahbarining aytishicha, tomonlar frontdagi mavjud vaziyatni, shuningdek, mamlakatning uchuvchisiz uchish apparatlariga bo‘lgan ehtiyojini muhokama qilgan.

"Shuningdek, biz Ukraina havo hujumidan mudofaa tizimini mustahkamlash va boshqa mamlakatlardan qo‘shimcha havo hujumidan mudofaa tizimlarini olish istiqbollari bo‘yicha fikr almashdik”, - deya xulosa qildi Ukraina rahbari.