Ukraina Oliy Radasi Oleksiy Reznikovning mudofaa vaziri lavozimidan ketishini yoqlab ovoz berdi.
Bu haqda deputat Yaroslav Jeleznyak ma’lum qildi.
Uning so‘zlariga ko‘ra, Ukraina Mudofaa vazirligida oziq-ovqat mahsulotlarini qimmat narxlarda xarid qilish kabi qonunbuzarliklar bilan bog‘liq janjaldan so‘ng Reznikovning iste’foga chiqishi haqida uzoq mish-mishlar yurgan edi.
Ma’lum qilinishicha, parlament majlisida qatnashgan 365 deputatdan 327 nafari uning iste’fosini yoqlab, 4 nafari qarshi, 11 nafari betaraf, 23 nafari esa ovoz berishda qatnashmagan.