Украина Олий Радаси Олексий Резниковнинг мудофаа вазири лавозимидан кетишини ёқлаб овоз берди.
Бу ҳақда депутат Ярослав Железняк маълум қилди.
Унинг сўзларига кўра, Украина Мудофаа вазирлигида озиқ-овқат маҳсулотларини қиммат нархларда харид қилиш каби қонунбузарликлар билан боғлиқ жанжалдан сўнг Резниковнинг истеъфога чиқиши ҳақида узоқ миш-мишлар юрган эди.
Маълум қилинишича, парламент мажлисида қатнашган 365 депутатдан 327 нафари унинг истеъфосини ёқлаб, 4 нафари қарши, 11 нафари бетараф, 23 нафари эса овоз беришда қатнашмаган.