Ukraina Milliy banki yana 15 milliard grivnani "bosib chiqardi"

Ukraina Milliy banki yana 15 milliard grivna (410 million dollar) obligasiyalar sotib oldi. Bu haqda Oliy Rada deputati Yaroslav Jeleznyak o‘zining Telegramdagi kanalida ma’lum qildi.

Uning so‘zlariga ko‘ra, Rossiya maxsus operasiyasi boshlanganidan beri regulyator 370 milliard grivna (taxminan 10,1 milliard dollar) chiqargan.

"Shuni aytishim mumkinki, dekabr oyida yana 30 milliard grivna bosiladi, keyin butun yil davomida bu yilgi hisobotda ko‘zda tutilgan 400 milliard grivna (10,9 milliard dollar) bo‘ladi", - dedi ukrainalik deputat.

27 noyabr kuni Ukraina Milliy banki Vashingtonga Xalqaro Valyuta Jamg‘armasi bilan hamkorlik qilish maqsadida 2023 yilda grivnalar muomalasini to‘xtatishga va’da bergani ma’lum bo‘ldi.