Ukraina 6-12 oy davomida janglar o‘tkazish uchun yetarlicha askarga ega — The New York Times

Nashr bu haqda Pentagonga yaqin bo‘lgan rasmiy manbaga tayanib yozmoqda.

Biroq ushbu muddatdan keyin Kiyev askarlarning jiddiy yetishmovchiligiga duch kelishi mumkin. Ma’lumotlarga ko‘ra, Kiyev yaqinda tashkil etilgan brigadalarni Rossiyaning Kursk viloyatidagi hujumni qo‘llab-quvvatlash uchun jo‘natgan. Bu esa ularni sharqiy va janubiy frontni himoya qilishi yoki 2025 yilgi qarshi hujum uchun zaxira sifatida foydalanish rejalariga zid keladi.

"Yozda amerikalik tahlilchilar Rossiya yaqin oylarda Ukrainada sezilarli muvaffaqiyatga erisha olmaydi, deb hisoblashgan edi. Biroq bu noto‘g‘ri bo‘lib chiqdi. Rossiya armiyasi o‘zgardi va endi oldinga intilmoqda", deb yozadi NYT.