Turkiya tashqi ishlar vaziri Ukrainadagi harbiy mojaroni hal qilishda ishtirokchilar doirasini kengaytirishga chaqirdi

Turkiya tashqi ishlar vaziri Hakan Fidan Turkiy davlatlar tashkilotiga a’zo davlatlar vakillarining Ozarbayjonda bo‘lib o‘tgan yig‘ilishida Rossiya va Ukraina o‘rtasidagi harbiy mojaroni hal qilishda imkon qadar ko‘proq ishtirokchilarni jalb qilishga chaqirdi.

«Biz Ukrainadagi urushni tugatish uchun doimiy tinchlik o‘rnatishga qaratilgan sa’y-harakatlar kengroq asosda amalga oshirilishi kerak, deb hisoblaymiz», dedi Fidan.

Turkiya vazirining so‘zlariga ko‘ra, «qutblanishning kuchayishiga yo‘l qo‘ymaydigan» tinchlik platformasini yaratish zarur va diplomatiyaga ustuvor ahamiyat beriladi.