Rasmiy hukumat gazetasi bo‘lgan Resmi gazete e’lon qilgan yangi qonunga ko‘ra, tezkor safarbarlik va urush holati to‘g‘risidagi nizom Turkiya prezidentiga tegishli tahdidlar yuzaga kelgan taqdirda mustaqil ravishda respublikada umumiy yoki qisman safarbarlik e’lon qilish huquqini beradi.
Safarbarlik e’lon qilish vakolati hukumatdan prezidentga o‘tdi. Davlat rahbari farmoni bilan “qo‘zg‘olon, respublikaning milliy xavfsizligi, hududiy yaxlitligiga jiddiy xavf tug‘diradigan yoki urush sodir bo‘lgan taqdirda” qisman yoki umumiy safarbarlik rejimini joriy etishi mumkin. Gap ichki va tashqi tahdidlar haqida bormoqda.