Turkiya Eronga gumanitar yordam yubordi

Turkiya Eronga dori-darmon va tibbiy asbob-uskunalar ko‘rinishida gumanitar yordam yubordi.

Bu haqda Turkiya sog‘liqni saqlash vaziri Kemal Memiso‘g‘lu o‘zining ijtimoiy tarmoq sahifasida yozdi.

Vazirning so‘zlariga ko‘ra, dori-darmon va tibbiy asbob-uskunalarni o‘z ichiga olgan tibbiy yordam yuk mashinalari allaqachon Eronga jo‘nab ketgan.

Memiso‘g‘lu shuningdek, o‘z mamlakatining qo‘shni Eronda davolanishga muhtoj bo‘lganlar uchun barcha mavjud resurslarni safarbar qilishga tayyorligini ta’kidladi.