AQShning amaldagi prezidenti Donald Tramp Pentagonga Somalida joylashgan deyarli barcha Amerika qo‘shinlarini olib chiqib ketishni buyurdi, deb xabar bermoqda “The Wall Street Journal” o‘z manbalariga asoslanib.
Manba xabariga ko‘ra, 700 ga yaqin AQSh harbiylari Somalidan Keniya va Jibutidagi bazalarga joylashtiriladi. Hisobotga qaraganda, qo‘shinlar Somalidan kelasi yil boshida chiqib ketishi kutilmoqda.
Shu bilan birga, qayd etilishicha, AQSh harbiy kuchlari Somalidagi "Al-Qoida" terrorchilik tashkilotining mahalliy tashkilotiga qarshi qisqa muddatli aksilterror operasiyalarini davom ettiradi.