Tramp Sidneydagi teraktni "dahshatli voqea" deb atadi

AQSh prezidenti Donald Tramp Sidneydagi terakt va Suriyadagi amerikalik askarlarga qilingan hujumga izoh berdi.

Oq uyda so‘zlagan Amerika yetakchisi Sidney plyajidagi hujumni "dahshatli voqea" deb atagan, shu bilan birga Sidneydagi otishmachining hujumini yakunlashiga to‘sqinlik qilgan "jasur odam"ga to‘liq hurmatini izhor qilgan.

"Avstraliyadagi hujum chog‘ida o‘ta jasur odam hujumchilardan biriga duch keldi va ko‘plab odamlarning hayotini saqlab qoldi", — dedi Tramp.

U, shuningdek, ISHIDning Palmiradagi AQSH-Suriya patruliga uyushtirgan hujumiga to‘xtaldi.

"Yomon odamlar tufayli biz uchta buyuk vatanparvarni yo‘qotdik. Bu Suriya hukumati emas, ISHID edi. Suriya hukumati biz bilan birga kurashdi", - dedi AQSh prezidenti.