Tramp ma’muriyati 250 kishini afv etish variantini ko‘rib chiqmoqda

AQSh ma’muriyati Prezident Donald Trampning 250 kishini afv etish imkoniyatini ko‘rib chiqmoqda.

Bu haqda The Wall Street Journal manbalarga tayanib xabar berdi.

Nashrning xabar berishicha, bunday harakat Qo‘shma Shtatlar tashkil topganining 250 yilligiga to‘g‘ri kelishi mumkin.

Ta’kidlanishicha, tegishli reja ustida ishlar hali ham dastlabki bosqichda. Afv etish to‘g‘risidagi e’lon 4 iyul, AQSh Mustaqillik kunida yoki Amerika prezidentining tug‘ilgan kuniga to‘g‘ri keladigan 14 iyun, Bayroq kunida amalga oshirilishi mumkin.

Gazetaning xabar berishicha, bu masala bo‘yicha yakuniy qaror Trampga tegishli.

Nashr shuningdek, ba’zi Oq uy rasmiylari ushbu tashabbus haqida xavotir bildirganliklarini ta’kidlaydi, chunki Trampning afv siyosati allaqachon demokratlar va respublikachilar tomonidan tanqid qilingan.

The Wall Street Journal ma’lumotlariga ko‘ra, Tramp ikkinchi muddatida allaqachon taxminan 1600 ta afvni imzolagan, bu har qanday AQSh prezidenti uchun rekord ko‘rsatkichdir.