АҚШ маъмурияти Президент Дональд Трампнинг 250 кишини афв этиш имкониятини кўриб чиқмоқда.
Бу ҳақда The Wall Street Journal манбаларга таяниб хабар берди.
Нашрнинг хабар беришича, бундай ҳаракат Қўшма Штатлар ташкил топганининг 250 йиллигига тўғри келиши мумкин.
Таъкидланишича, тегишли режа устида ишлар ҳали ҳам дастлабки босқичда. Афв этиш тўғрисидаги эълон 4 июл, АҚШ Мустақиллик кунида ёки Америка президентининг туғилган кунига тўғри келадиган 14 июн, Байроқ кунида амалга оширилиши мумкин.
Газетанинг хабар беришича, бу масала бўйича якуний қарор Трампга тегишли.
Нашр шунингдек, баъзи Оқ уй расмийлари ушбу ташаббус ҳақида хавотир билдирганликларини таъкидлайди, чунки Трампнинг афв сиёсати аллақачон демократлар ва республикачилар томонидан танқид қилинган.
The Wall Street Journal маълумотларига кўра, Трамп иккинчи муддатида аллақачон тахминан 1600 та афвни имзолаган, бу ҳар қандай АҚШ президенти учун рекорд кўрсаткичдир.
Нурмат Отабеков хантавирус бўйича ахборот билан чиқди
МДҲ давлатларида қанча Иккинчи жаҳон уруши қатнашчилари қолган?
Энди Тошкент вилояти йўлларида “Damas” ҳаракати чекланади
