Tramp kelasi hafta Bayden bilan uchrashishi mumkin

AQSh yetakchisi Jo Bayden va AQShning saylangan prezidenti Donald Tramp o‘rtasidagi uchrashuv kelasi hafta bo‘lib o‘tishi mumkin.

Bu haqda CNN telekompaniyasi ma’lum qildi.

Manbaga ko‘ra, saylangan prezidentning jamoasi Tramp Vashingtonga Amerikaning amaldagi rahbari bilan uchrashish uchun qachon borishi kerakligini muhokama qilmoqda. Respublikachilarning yaqinlari uchrashuv imkon qadar tezroq, kelasi haftada bo‘lib o‘tishiga umid qilmoqda.

Avvalroq Oq uy Bayden Tramp bilan suhbatda “hokimiyatning silliq o‘tishini ta’minlashga sodiqligini ta’kidlagan” hamda uni Oq uydagi uchrashuvga taklif qilgani, uchrashuv sanasi keyinroq aniqlanadiganini ma’lum qilgandi.

AQSh saylovlarida ovoz berish 6 noyabr kuni ertalab yakunlandi. Rasmiy natijalar hali yakunlangani yo‘q, biroq Fox News telekanaliga ko‘ra, Tramp hozirda kerakli 270 ovoz bilan 295 saylovchilar ovozini qo‘lga kiritgan. Uning o‘zi allaqachon o‘zini AQShning 47-prezidenti deb e’lon qilgan. AQSh Kongressi Vakillar palatasi spikeri, respublikachi Mayk Jonson uni saylangan davlat rahbari deb atadi.