Tramp: "Isroil G‘azoga o‘t ochishni to‘xtatishga rozi bo‘ldi"

AQSh prezidenti Donald Tramp AQSh va Isroil rasmiylari G‘azoda o‘t ochishni to‘xtatish shartlari bo‘yicha kelishib olganini aytdi.

U bu haqda Truth Social ijtimoiy tarmog‘ida yozgan.

"Isroil 60 kunlik o‘t ochishni to‘xtatish bo‘yicha zarur shartlar bo‘yicha kelishib oldi, bu muddat davomida biz barcha tomonlar bilan urushni tugatish uchun ishlaymiz. Tinchlik o‘rnatilishi uchun ko‘maklashgan Qatar va Misr bu yakuniy taklifni taqdim etadi", - deyiladi bayonotda.

AQSh prezidenti, shuningdek, “Yaqin Sharq manfaati uchun” XAMAS bu kelishuvni qabul qilishiga umid bildirdi, “chunki u yaxshilanmaydi, faqat yomonlashadi”.