Tramp: "Germaniya yashil energiya tajribasini o‘tkazib, deyarli bankrot bo‘ldi"

AQSh prezidenti Donald Tramp Germaniya hukumati yashil energiya bo‘yicha o‘tkazgan tajribalari bilan mamlakatni deyarli bankrot qilganini aytdi.

Bu haqda u Oq uydagi chiqishi chog‘ida ma’lum qilgan.

"Germaniya yashil bo‘ldi, juda yashil bo‘ldi. Ular shunchalik yashil bo‘lib qoldiki, ular deyarli bankrot bo‘lishdi. Germaniya o‘z nihoyasiga yetdi", dedi u.

"Ular shamolga o‘tishdi. Shamol unchalik qattiq esmadi. Va ular boshqa har xil ishlarga o‘tishdi. Bilasizmi, bu yangi yashil firibgarlik Germaniyaga ham ta’sir qildi. Va taxmin qiling-a? Endi ular yana ko‘mirga qaytishdi", - deya qo‘shimcha qildi Tramp.

"Ular butun Germaniya bo‘ylab ko‘mirda ishlaydigan elektr stansiyalarini ochmoqda. Biz buni qilmayapmiz. Men buni chiroyli toza ko‘mir deb atayman. Xalqimga aytaman: hech qachon "ko‘mir" so‘zidan oldin "chiroyli" va "toza" so‘zlari bo‘lmasin.

Keyin u mamlakatning ko‘mir sanoatini qo‘llab-quvvatlashga qaratilgan to‘rtta farmonni imzoladi.

Hujjatlar ko‘mir qazib olish va eksport qilish hajmini oshirish, ushbu sohadagi turli cheklovlarni zaiflashtirishga qaratilgan. Bundan tashqari, davlat rahbari ko‘plab federal hududlarda ushbu turdagi yoqilg‘i ishlab chiqaruvchi kompaniyalarga qo‘yilgan taqiqni bekor qildi.