AQSh senatori Lindsi Gremning aytishicha, AQShning saylangan prezidenti Donald Tramp 2025 yil 20 yanvardagi inaugurasiyasidan oldin G‘azoda o‘t ochishni to‘xtatish va mahbuslarni ozod qilishga erishmoqchi. Bu haqda Grem Axios nashriga bergan intervyusida gapirib o‘tdi.
G‘azodagi mojaroni hal qilish masalasi amaldagi prezident Jo Baydenning ustuvor vazifalaridan biri bo‘lib qolmoqda. Biroq, so‘nggi haftalarda sezilarli taraqqiyotning yo‘qligi bu vazifani Tramp ma’muriyatiga qoldirishi mumkin.
Gremning so‘zlariga ko‘ra, Tramp garovga olinganlarni ozod qilish va urushni imkon qadar tezroq tugatish bo‘yicha kelishuvga erishish tarafdori.
«U buni hozir sodir bo‘lishini xohlaydi. Tramp mahbuslar masalasiga e’tibor qaratgan va ularning ozod etilishini o‘z ichiga olgan sulhni qo‘llab-quvvatlaydi. U qotilliklar to‘xtatilishini istaydi», — dedi senator.
Grem o‘tish davrida Bayden va Tramp ma’muriyatlari bu masalada birgalikda ishlay olishlariga umid qilishini aytdi. Tramp G‘azo mojarosini hal qilish Isroil va Saudiya Arabistoni o‘rtasidagi munosabatlarni normallashtirish va Eronga qarshi ittifoq tuzish kabi tashqi siyosat rejalarini amalga oshirish uchun zarur, deb hisoblaydi.
Avvalroq Jo Bayden Isroil va Livandagi «Hizbulloh» harakati o‘rtasida o‘t ochishni to‘xtatishni e’lon qilgan edi. Tramp jamoasining fikricha, bu kelishuv respublikachilarning saylovlardagi g‘alabasi tufayli amalga oshirilgan.
Janubiy Koreya qiruvchilari Rossiya va Xitoy harbiy samolyotlariga qarshi
Polsha Ukraina mojarosida Rossiya g‘alaba qozonganini e’lon qildi
«Oreshnik» «juda kata» zarar yetkazadi
