Kuni kecha Mansur Jumayev 2024 yilning 5 noyabr kuni Toshkentdagi ëzuvchilar uyushmasi bergan o‘z uyida¸ o‘zi ijod qiladigan xonada osilgan xolatda topilganligi xaqidagi xabar ijtimoiy tarmoqlarga sizdirildi. Ushbu holat yuzasidan UzNews.uz'ning so‘roviga javoban Bosh prokuratura matbuot xizmati rahbari Hayot Shamsutdinov ma’lumot berdi.
Aniqlanishicha, joriy yilning 5 noyabr taxminan soat 07:30 atrofida fuqaro Mansur Jumayev o‘z yashash uyida o‘zini osib vafot etgan. Ushbu holatni aniqlagan turmush o‘rtog‘i tez tibbiy yordamga murojaat qilgan.
Holatga nisbatan birlamchi tashxisga ko‘ra, u "bo‘yin sohasida strangulyasion chizig‘i mavjud, yurak qon tomir nafas yetishmovchiligi" oqibatida vafot etgan.
Hozirda tergovga qadar tekshiruv harakatlari tuman prokuraturasi tomonidan olib borilmoqda.
