Bugun, 27 dekabr kuni Toshkent shahrining Yangihayot tumanida Lacetti rusumli avtomobil turgan joyida yonib ketdi. Bu haqda Toshkent shahar IIBB Yo‘l harakati xavfsizligi boshqarmasi xabar berdi.
Qayd etilishicha, soat 08:35 larda tumanning “Yangi umid” MFY 2-hudud 46-uy orqa qismida harakatsiz turgan Lacetti rusumli transport vositasida yong‘in kelib chiqqan.
Yong‘in tuman FVB xodimlari tomonidan bartaraf etilgan. Yong‘in oqibatida tan jarohat olganlar bo‘lmagan.
“Mazkur hodisa yuzasidan YHXB hamda FVB xodimlari tomonidan surishtiruv olib borilib, yong‘in yuzaga kelishining sabablariga aniqlik kiritilmoqda. Barcha haydovchilardan boshqaruvidagi transport vositasining texnik sozligiga e’tiborli bo‘lishlarini so‘raymiz”, deyiladi xabarda.
Uchinchi jahon urushi aynan qayerda boshlanishi aytildi
Qodirov O‘zbekiston rahbariyatini "uyg‘onish qo‘ng‘irog‘i"dan ogohlantirdi
Evropani g‘azablantirgan uchrashuv
