Toshkent shahri Yashnobod tumanida KIA mashinasi piyodani urib yubordi. Bu haqda shahar Yo‘l harakati xavfsizligi boshqarmasi xabar qildi.
Qayd etilishicha, yo‘l-transport hodisasi 24 may kuni taxminan soat 21:10 larda Yashnobod tumani Maxtumquli ko‘chasi 1-uy qarshisida sodir bo‘lgan. Haydovchi M.N. (1999 yilda tug‘ilgan) KIA transport vositasini boshqarib ketayotib, tartibga solinmagan piyodalar o‘tish joyidan o‘tayotgan fuqaro I.A.ni (1996 yilda tug‘ilgan) urib yuborgan.
YTH oqibatida piyoda olgan tan jarohatlari bilan shifoxonada vafot etgan.
Holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
19 may kuni yomg‘ir yog‘ishi mumkin bo‘lgan hududlar e’lon qilindi
O‘g‘ri bojxonachilar 26 tonna oltin bilan qo‘lga tushdi
Qodirov Estoniyaga raketa hujumlarini uyushtirishga chaqirmoqda
