2019 yil 17 may kuni vaqtincha Toshkent viloyati Zangiota tumani O‘zgarish QFYda yashovchi, muqaddam sudlangan R.M. Toshkent shahrining Sergeli tumani Sputnik S-1 mavzesida, M.M. ismli ayolning qo‘lidan hamyonini tortib olib ketgan.
O‘zbekiston Respublikasi IIV Jamoatchilik va OAV bilan aloqalar boshqarmasiga ko‘ra, olib ketilgan hamyon ichida 30 000 so‘m pul, 2 dona plastik kartochka va Samsung rusumli mobil telefoni bo‘lgan. Ko‘rilgan choralar natijasida R.M. ushlangan. Holat yuzasidan jinoyat ishi qo‘zg‘atilib, tergov harakatlari olib borilmoqda.