Yangi O‘zbekiston bog‘i yaqinidagi yo‘l Mustaqillik bayramigacha yopiladi. Bu haqda Toshkent shahar hokimligi xabar berdi.
Yangi O‘zbekiston shoh ko‘chasidagi Olimpiya shaharchasi hududi atrofida yer osti tunneli qurilishi boshlanishi munosabati bilan barcha turdagi transport vositalarining harakati quyidagi yo‘nalish bo‘yicha vaqtinchalik cheklanadi:
Yopiladigan yo‘l qismi: CAEX ko‘rgazma majmuasidan Yangi O‘zbekiston bog‘iga kiraverishgacha.
Yopilish muddati: 2025 yil 13 aprel 00:00 dan 1 sentyabrgacha.
Hokimiyat keltiriladigan noqulayliklar uchun uzr so‘ragan.
