Tarixda birinchi marta Buyuk Britaniya tashqi razvedka xizmatiga (Mi6) ayol kishi rahbar etib tayinlandi — The Guardian

Bleyz Metreveli Buyuk Britaniya Tashqi razvedka xizmati (Mi6) rahbari etib tayinlandi. Hukumat matbuot xizmati ma’lumot berishicha, mamlakat tarixida ilk marotaba ayol kishi ushbu lavozimga tayinlandi.

Ma’lumotlarga ko‘ra, Bleyz Metreveli 47 yoshda bo‘lib, Mi6'ga 1999 yilda kirib kelgan. U asosan Yevropa va Yaqin Sharq yo‘nalishida ishlagan hamda razvedkaning texnologiya departamentini boshqargan. Mi6'ga Metrevelidan oldin besh yil mobaynida Richard Mur rahbarlik qilgan.