Dorus-Salomda (Tanzaniya) binoning qulab tushishi oqibatida halok bo‘lganlar soni qariyb 30 kishiga yetdi. Bu haqda Citizen portali hukumat vakiliga tayanib xabar berdi.
Ma’lumotlarga ko‘ra, qulagan binoda 10 kundan keyin yakunlangan qutqaruv operasiyasi natijasiga ko‘ra, 29 kishi halok bo‘lgani aniqlandi, vayronalar ostidan 84 nafardan ortiq kishi qutqarib olindi.
Eslatib o‘tamiz, eng katta bozor joylashgan Kariakou hududida 16 noyabr kuni to‘rt qavatli binoning qulashi sodir bo‘lgan edi. O‘shanda 13 kishi halok bo‘lgani va 42 kishi jarohatlangani haqida xabar berilgan edi.
Hukumat matbuot kotibi Tobias Makobaning so‘zlariga ko‘ra, hodisa yuzasidan olib borilayotgan tergov davomida bino egasi qo‘lga olingan. Tanzaniya prezidenti Samiya Suluxu Hasan bosh vazir Kassim Majaliva boshchiligida Kariakudagi barcha binolarning holatini tekshirishni buyurdi
Isroil rahbariyati hibsga olinishiga birgina davlat tish-tirnog‘i bilan qarshi chiqmoqda
Isroil niqobini yechdi
Shols rus «Oreshniki» dan qo‘rqib ketdi
