Bu haqda AOKAda o‘tkazilgan brifingda Biznes-ombudsman devoni sho‘ba mudiri Mirafzal Miralimov ma’lum qildi.
2023 yilda nazorat qiluvchi organlar tomonidan tadbirkorlar faoliyatida jami 124 123 ta tekshiruv o‘tkazilgan bo‘lib, shundan 2 399 tasi (2 foizi) kelishilgan holda, qolgan 121 724 tasi (98 foizi) xabardor etilgan holda o‘tkazilgan. O‘tkazilgan tekshiruvlarning:
⏺78 % yuridik va jismoniy shaxslarning murojaatiga asosan;
⏺22 % havfni tahlil etish natijalariga asosan o‘tkazilgan.
Biznes-ombudsmanga nazorat qiluvchi organlar tomonidan tekshiruvlarni kelishish uchun “Yagona davlat nazorati” axborot tizimiga kiritilgan jami 4 703 ta buyurtmadan 2 399 tasi (51 foizi) kelishilgan va qolgan 2 304 tasi (49 foizi) tekshiruv o‘tkazish uchun qonuniy asoslar mavjud bo‘lmaganligi sababli rad etilgan.
Tekshiruvlar qonuniyligi yuzasidan o‘tkazilgan monitoring doirasida 5 034 ta noqonuniy tekshiruv o‘tkazilganligi, 14 533 ta holatda tekshirish o‘tkazish tartibi buzilganligi aniqlangan.
