Bosh prokuratura huzuridagi Departamentning Surxondaryo viloyat boshqarmasi tomonidan o‘tkazilgan tergovga qadar tekshiruvda, viloyat Patologikanatomiya byurosi bosh hisobchisi I.M. 2019 yilning yanvar oyida ishdan bo‘shab ketgan G.P.ning nomiga 2019-2022 yillar davomida ish haqi hisoblab jami 305,8 mln so‘mni o‘zlashtirganligi aniqlanib, fuqaro G.P.ning nomiga ochilgan plastik karta ashyoviy dalil sifatida olingan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.