Suriyadagi etnik to‘qnashuvlarda 30 dan ortiq kishi halok bo‘ldi

Suriya janubidagi As-Sueyda viloyatida badaviylar va druzlar o‘rtasidagi to‘qnashuvda kamida 37 kishi halok bo‘ldi, 50 ga yaqin kishi yaralandi.

Suriya Inson huquqlari observatoriyasi monitoring guruhi ma’lumotlariga ko‘ra, halok bo‘lganlar orasida 27 nafar druz, jumladan, ikki bola va 10 nafar badaviy bor.

Qayd etilishicha, etnik ozchiliklar o‘rtasidagi to‘qnashuvlar natijasida yana 100 kishi jarohatlangan.

Rasmiy Damashq o‘z kuchlari to‘g‘ridan-to‘g‘ri mojaroni hal qilish va qon to‘kilishini to‘xtatishda ishtirok etishini bildirdi. Ma’lumotlarga ko‘ra, druzlar va badaviylar yetakchilari qurolli to‘qnashuvlarni to‘xtatishga chaqirmoqda.