Sun’iy yo‘ldoshlar ozon qatlamining yemirilishiga olib kelishi mumkin – tadqiqot

Janubiy Kaliforniya universitetining yangi tadqiqoti shuni ko‘rsatdiki, sun’iy yo‘ldoshlar Yerning ozon qatlamiga zarar yetkazishi mumkin. Bu haqda The Independent xabar bermoqda.

Ilon Maskning SpaceX kompaniyasi 6000 dan ortiq internet sun’iy yo‘ldoshlarini uchirdi va bu raqam o‘sishda davom etmoqda, har bir yangi model og‘irroq bo‘lib bormoqda.

Olimlarning fikricha, xizmat muddati tugagach, sun’iy yo‘ldoshlar orbitadan tushib, atmosferaning yuqori qismida yonib ketadi. Kichik sun’iy yo‘ldosh yonganda, taxminan 30 kilometr alyuminiy oksidi hosil bo‘ladi.

Olimlarning hisob-kitoblariga ko‘ra, barcha rejalashtirilgan sun’iy yo‘ldosh turkumlari uchirilganda, har yili atmosferaga 350 tonnadan ortiq alyuminiy oksidi chiqariladi. Bu tabiiy atmosfera darajasidan deyarli 650 foiz yuqori.

SpaceXning o‘zi yana 12 mingta Starlink sun’iy yo‘ldoshlarini uchirish huquqiga ega, Amazon va boshqa kompaniyalar ham yaqin yillarda minglab sun’iy yo‘ldoshlarni uchirishni rejalashtirmoqda, deb xabar beradi korrespondent.net.