NATO Kiyevni qo‘llab-quvvatlashini oshirmoqda, biroq unga o‘z qo‘shinlarini yubormaydi, dedi Alyans bosh kotibi Yens Stoltenberg.
Bu haqda Germaniyaning Welt am Sonntag nashri yozmoqda.
“Biz Ukrainaning o‘zini o‘zi mudofaasini qo‘llab-quvvatlashni oshirayotgan bo‘lsak-da, biz Ukrainaga NATO qo‘shinlarini yuborishni rejalashtirmayapmiz... NATO mojaroning bir qismi bo‘lmaydi”, dedi u.
Stoltenbergning aniqlik kiritishicha, nazariy jihatdan Rossiya Qurolli kuchlarining raketalarini Polsha yoki Ruminiya hududidan, masalan, Patriot batareyalari yordamida urib tushirish mumkin.