"Sizlariga shuni ma’lum qilmoqchimanki, bugun soat 10:37 da "Barvixa" sanatoriysida og‘ir va davomli kasallikdan so‘ng hamkasbimiz Stanislav Sergeevich Govoruxin bu dunyoni tark etdi. U kasallik bilan oxirigacha kurashdi, biroq kasallik uni yengdi", - dedi Volodin.
Deputatlar kinematografist xotirasini bir daqiqalik sukut bilan yodga olishdi. Dafn qilish vaqti va joyi hozircha noma’lum.
Stanislav Govoruxin ko‘p seriyali "Uchrashuv joyini o‘zgartirib bo‘lmaydi" filmi orqali tanilgan. U shuningdek "O‘nta negr bolasi", "Kapitan Grantni izlab", "Vertikal" va boshqa lentalarni tasvirga olgan.
Manba: kun.uz