"Сизларига шуни маълум қилмоқчиманки, бугун соат 10:37 да "Барвиха" санаторийсида оғир ва давомли касалликдан сўнг ҳамкасбимиз Станислав Сергеевич Говорухин бу дунёни тарк этди. У касаллик билан охиригача курашди, бироқ касаллик уни енгди", - деди Володин.
Депутатлар кинематографист хотирасини бир дақиқалик сукут билан ёдга олишди. Дафн қилиш вақти ва жойи ҳозирча номаълум.
Станислав Говорухин кўп серияли "Учрашув жойини ўзгартириб бўлмайди" фильми орқали танилган. У шунингдек "Ўнта негр боласи", "Капитан Грантни излаб", "Вертикаль" ва бошқа ленталарни тасвирга олган.
Манба: kun.uz