Maradona – futbol yulduzi, Maradona – bezori, Maradona – giyohvand, Maradona – buyuk shaxs...
U bilan nimalar bo‘lmagan, deysiz. 1986 yil Jahon chempionatida Angliya terma jamoasiga ikki to‘p kiritib, Argentinaning Jahon chempioni bo‘lishini ta’minladi. Ikkinchi to‘pni qo‘li bilan shunday ustalikda o‘nglab olib kiritdiki, qoida buzganini yonida turgan hakam ham sezmay qoldi... Shundan keyin «Boka Xunors» uni «Barselona»ga sotdi. U jamoadan «Napoli»ga o‘tdi. So‘ngra «Milan»da to‘p surdi.
Oxir-oqibat, futbol afsonasi qip-qizil giyohvandga aylanib, xurmacha qiliqlari bilan tilga tushdi. Nihoyat, ruhiy kasalliklar shifoxonasida davolanib chiqdi. Taniqli futbolchining bu ahvolga tushganiga hech kim ishonmasdi. Bu haqda u shunday xotirlaydi: «Men davolangan ruhiy xastaliklar shifoxonasida davolanayotganlardan biri o‘zini Napoleon, boshqasi San-Martin, deb hisoblardi. Mening esa Maradona ekanligimga hech kim ishonmasdi».
Nima bo‘lganda ham Maradona millionlab futbol ishqibozlariga zavqli o‘yinlarni hadya etgan futbolchi sifatida tarixda qoldi. Bu yil u o‘zining 60 yoshini nishonladi.
«AiF» (2020 y 44-son) asosida T.MUROD tayyorladi.
Hasanboy Do‘smatov Rossiyadagi yurishini g‘alaba bilan boshladi
«Penaltini urolmaganidan keyin 3 kun uxlolmay chiqdim» — Prezident O‘zbekiston U-23 jamoasi haqida gapirdi
O‘zbekiston U23 terma jamoasi Parij olimpiadasiga Kanadalik o‘zbekni olib bormoqchi
