SpaceX kosmik kemasi ilk bor Yerning qutb hududlari ustidan uchadi

31 mart kuni Ilon Maskning SpaceX kompaniyasi Crew Dragon kosmik kemasini uchirdi, deya xabar beradi Kazinform.

31 mart, dushanba kuni sharqiy vaqt bilan(ET)soat 21:46da, Falcon 9 raketasi Fram2 missiyasini Floridadagi Kennedi kosmik markazining 39A kompleksidan qutb orbitasiga olib chiqdi, dedi SpaceX.

Missiya davomida Dragon kosmik kemasi va ekipaji birinchi marta Yerni qutb orbitasidan tadqiq qiladi va Yerning qutb hududlari ustidan uchib o‘tadi. Shuningdek, ular koinotni uzoq muddatli tadqiq qilish imkoniyatlarini kengaytirish va koinotda inson salomatligini o‘rganishga qaratilgan 22 ta tadqiqot o‘tkazadi. Ekipaj missiyasi davomida koinotda birinchi rentgenogramma olish, mushak va suyak massasini saqlab qolish uchun mashqlar bo‘yicha tadqiqotlar olib borish, mikrogravitasiyada qo‘ziqorin yetishtirishni rejalashtirmoqda.

Bundan tashqari, Yerga eson-omon qaytgandan so‘ng ekipaj Dragon kemasini qo‘shimcha tibbiy va jarrohlik yordamisiz tark etish niyatida. Bu olimlarga kosmonavtlarning ham qisqa, ham uzoq kosmik parvozlardan keyin mustaqil funksional vazifalarni bajarish qobiliyatini baholash imkonini beradi. Missiya qomandiri - maltalik kripto-magnat Chun Van. Unga norvegiyalik kinorejissyor Yanike Mikkelsen, germaniyalik robototexnika tadqiqotchisi Rabea Rogge va avstraliyalik sarguzashtchi Erik Fillips qo‘shildi, deb xabar bermoqda CNN.