BAA Qurolli kuchlarining uch nafar xodimi va Bahrayn armiyasining bir zobiti Somalidagi «terror hujumi» oqibatida halok bo‘ldi. Bu haqda BAA Mudofaa vazirligining X ijtimoiy tarmog‘idagi sahifasida ma’lum qilindi.
«Somalida sodir etilgan terakt natijasida BAA Qurolli kuchlarining uch nafar harbiy xizmatchisi va Bahrayn mudofaa kuchlarining bir ofiseri o‘z xizmat vazifalarini bajarish chog‘ida halok bo‘ldi, yana ikki kishi yaralandi», — deyiladi xabarda.