Rossiya Premyer-ligasi ishtirokchisi “Rostov” klubi O‘zbekiston milliy terma jamoasi hujumchisi Eldor Shomurodovni 2026 yilgi jahon chempionatida kiritgan goli bilan tabrikladi.
30 yoshli forvard Kongo Demokratik Respublikasi terma jamoasiga qarshi guruh bosqichining 3-tur uchrashuvida (1:3) O‘zbekistonning yagona goliga mualliflik qildi.
- Do‘stimiz va “Rostov”ning sobiq hujumchisi Eldor Shomurodovni jahon chempionatida urgan goli bilan tabriklaymiz, - deyiladi “Rostov” matbuot xizmati murojaatida.
Eslatib o‘tamiz, Shomurodov 2017–2020 yillarda “Rostov” safida o‘ynagan. Keyinchalik Italiyaga yo‘l olib, “Jenoa”, “Spesiya”, “Kalyari” va “Roma”da faoliyat yuritdi.
Ayni paytda mahoratli to‘purar Turkiyaning “Istanbul Bashakshehir” klubi o‘yinchisi hisoblanadi. O‘tgan mavsumda Superliga to‘purari bo‘lgan Shomurodovni mamlakatning grand klublari o‘z safiga qo‘shib olishga harakat qilmoqda.
Lamin Yamal finaldan keyin mukofot pullarini qabul qilib oldi
AQSh Ispaniya futbol terma jamoasidan salkam 13 mln dollar soliq talab qildi
JCH-2026 o‘yinlari kelishilgan bo‘lishi mumkin
