Shohista Shonazarova Osiyo chempionatida tengsiz

Iordaniyaning Amman shahrida o‘tayotgan sport kurashlari bo‘yicha U17 yosh toifasidagi Osiyo chempionatining ayollar kurashi bahslarida ham O‘zbekiston terma jamoasi a’zolari muvaffaqiyatli ishtirok etdi.

Ayollar kurashi bo‘yicha 40 kilogrammgacha vaznda barcha raqiblarini yenggan Shohista Shonazarova oltin medal bilan taqdirlangan bo‘lsa, -46 kg. vazndagi Mehribonu Xudoynazarova terma jamoamiz hisobiga bronza medalini qo‘shib qo‘ydi.

Eslatib o‘tamiz, musobaqaning yunon-rum kurashi bo‘yicha bellashuvlarda O‘zbekiston o‘smirlar terma jamoasi 5 ta oltin, 3 ta kumush va 2 ta bronza medaliga ega chiqqan edi.