Bosh prokuratura huzuridagi Departamentning Shirin shahar bo‘limi tomonidan “O’.” AJ Sirdaryo viloyat filialining murojaatiga asosan o‘tkazilgan tergovga qadar tekshiruvda “B.A.” MCHJ sobiq mansabdor shaxslari lizing shartnomasi asosida MCHJga yetkazib berilgan 1 dona “TTZ-811” rusumli traktorini boshqa shaxslarga sotib yuborilganligi, shuningdek 9 dona “TTZ-811” rusumli traktorga shikast yetkazib, “O.” AJ manfaatlariga 715,5 mln so‘m zarar yetkazganliklari aniqlangan.
Mazkur holatlar yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.