Shimoliy koreyalik qochoq harbiylar psixologik urush olib borish uchun Ukrainaga bormoqchi

Janubiy Koreyada yashovchi 200 ga yaqin shimoliy koreyalik qochoqlar harbiy xizmatchilar KXDRdan Rossiyaga o‘tkazilgani haqidagi xabarlardan so‘ng psixologik urush olib borish uchun Ukraina hududiga borishga qaror qildi, deb yozadi South China Morning Post.

Gap harbiy tajribaga ega sobiq askarlar guruhi haqida ketmoqda. Ta’kidlanishicha, qochqinlar Shimoliy Koreya harbiylari haqidagi bilimlaridan Rossiyaga yordam berish uchun yuborilgan Shimoliy Koreya kuchlarini yo‘q qilish va ruhiy tushkunlikka tushirish uchun ishlatmoqchi.

Shimoliy koreyalik sobiq askarlardan birining so‘zlariga ko‘ra, ular psixologik urush agenti sifatida ishlash uchun istalgan joyga borishga tayyor, jumladan, ovoz kuchaytirgichlardan foydalanish, varaqalar tarqatish va hatto tarjimon sifatida ishlash.