"Shayton sendan boshqa elchi topmabdi-da?"

Fazl ibn Abu Ayyoshning mavlosi Anbardan rivoyat qilinadi: “Vahb ibn Munabbahning huzurida o‘tirgan edim, bir kishi kelib, “Falonchining oldidan o‘tib qoluvdim, sizni so‘kayotgan ekan”, dedi.

U kishining jahli chiqib, “Shayton sendan boshqa elchi topmabdi-da?” dedi. Ko‘p o‘tmay, o‘sha so‘kkan odam kelib, Vahb ibn Munabbahga salom berdi. U zot bu kishini tanib, ortlaridan so‘kkanini bilsa-da, salomiga alik oldi, xushmuomalalik bilan qo‘l berib ko‘rishdi va yoniga o‘tirg‘izdi”.

“Solihlar gulshani” kitobidan

Manba: islom.uz