Afg‘onistonda "Tolibon"ning nufuzli amaldori shov-shuvli tarzda o‘ldirildi

Afg‘oniston "Tolibon" harakatining amaldori Muhammad Umar-Jan Oxundzoda o‘ldirildi. 18 aprel oqshomida Pokistonning Kvetta shahrida uning ko‘kragiga ikkita o‘q uzilgan.

Uning o‘limi uchun javobgarlikni hozircha hech bir guruh o‘z zimmasiga olgani yo‘q. "Tolibon"ning o‘zi ham qotillikka Pokiston razvedka xizmatlari aloqador bo‘lishi mumkin, deb gumon qilmoqda.

Ammo, ehtimol, voqea afg‘on toliblari rahbariyati ichida hokimiyat uchun kurash avj olgani bilan bevosita bog‘liqdir, deb yozadi afg‘onistonlik ekspert va siyosatshunos Andrey Serenko «Nezavisimaya gazeta»da.

Mulla Umar Jan Kvetta sho‘rosining a’zosi va "Tolibon" oliy rahbariyatining bir qismi bo‘lgan. U "Tolibon" harakatining hozirgi rahbari Mavlaviy Haybatulloh Oxundzodaga juda yaqin bo‘lgan va uning maslahatchisi maqomiga ega edi.