Ruminiyada suv toshqinlari yetti kishining hayotiga zomin bo‘ldi

Ruminiyada suv toshqinlari oqibatida yetti kishi halok bo‘ldi.

Bu haqda "Ruminiya Radiosi" xabar berdi.

Bundan tashqari, tabiiy ofatdan keyin 6,5 mingta uy xo‘jaliklari jabr ko‘rgan, moddiy zarar ko‘rib chiqilmoqda.

Mamlakat sharqida turli ogohlantirish kodlari joriy qilingan - qizil, to‘q sariq va sariq. Gidrologlarning ogohlantirishicha, Ruminiyaning bu qismidagi kichik daryolar ayniqsa suv toshqini xavfi ostida. Qutqaruvchilar, o‘t o‘chiruvchilar va jandarmlardan iborat guruhlar uylarning yerto‘lalari va hovlilaridan suvni tortib, ularni soylar olib ketayotgan loy va tuproqlardan tozalashmoqda.

Rasmiylar ofat natijasida vayron bo‘lgan hamma narsani tiklashga va’da berishmoqda. Galati va Vaslui okruglarida yuqori ogohlantirish rejimi joriy etildi, bu mahalliy hokimiyat organlariga ish va xizmatlar uchun shartnomalarni tezda tuzish imkonini beradi. Maktablar vayron bo‘lgan joylarda bolalar o‘qishni davom ettirishi uchun to‘rtta modulli bino o‘rnatiladi. Uysiz qolgan odamlar uchun vaqtinchalik turar joy vazifasini o‘taydigan 250 ta konteyner zarar ko‘rgan hududga yetkazildi. Zararlangan elektr tarmoqlarini tiklash ishlari olib borilmoqda.

Hukumat jabrlanganlarga birinchi moddiy yordam ko‘rsatishga qaror qildi. Bunday oilalarning har biriga 10 ming ley (2 ming yevro), qurbon bo‘lgan oilalar uchun esa yana 10 ming leydan ajratiladi.