Rossiyada jazo o‘tayotgan Markaziy Osiyo davlatlaridan kelgan muhojirlar shartnoma imzolashga va Ukraina bilan urushga kirishishga majbur. Bu haqda Rossiyaning «Nastoyashee vremya» nashriga Rossiya koloniyalaridan birida bo‘lgan tojikistonlik Jovid ma’lum qildi.
Uning aytishicha, Moskva yaqinidagi qattiq tartibli koloniyada u bilan birga jazo o‘tayotgan Tojikiston va O‘zbekistonlik mahbuslar jiddiy muammoga duch kelmoqda. Ular urushga borishni xohlamasalar-da, koloniyada yaratilgan sharoitlarda yashashni davom ettira olmayapti. Uning so‘zlariga ko‘ra, ba’zi mahbuslar fuqarolikdan voz kechib, Rossiya Mudofaa vazirligi bilan shartnoma imzolashdan ko‘ra, "o‘zini o‘ldirish afzal" deb o‘ylashmoqda. Jovidning tushuntirishicha, mahkum chet elliklar shartnoma tuzish bilan bir vaqtda o‘z mamlakatlari fuqaroligidan voz kechishga va Rossiya fuqaroligini olishga majburlanmoqda.
"Agar imzo chekmasang, jarima izolyatoriga joylashasan. Agar fuqarolikdan voz kechishni imzolasangiz, ariza Tojikistonga yuboriladi. Keyin kerakli hujjatlarni rasmiylashtirib, urushga yuborishadi..." - dedi u.
"Nastoyashiye vremya" nashrining yozishicha, Jovid saqlanayotgan koloniyadan bir guruh mahkum-migrantlar tahririyatga xat yozib, u yerda Tojikiston va O‘zbekiston fuqaroligiga ega 400 ga yaqin mahbus saqlanayotganini aytishgan. Ularning aytishicha, ularga qo‘pol muomalada bo‘lishmoqda va diniy jihatdan haqoratlashmoqda. Koloniya xodimlari, shuningdek, boshqa mahbuslarni mahkum migrantlarni kaltaklashga chaqiradi, deyiladi maktubda.
Ukraina dushman uchun «Jahannam» tayyorladi
Rossiya Ukrainadan yerlarini qaytarib olganini e’lon qildi
Qo‘shma Shtatlar Rossiyaga qarshi bayonot bilan chiqdi
