Bu haqda «Vyorstka» harbiylar, shuningdek, parlament va poytaxt meriyasidagi manbalarga tayanib yozmoqda. Frontdagi harbiy xizmatchilarning ta’kidlashicha, ba’zi hududlarda «bobolar» soni umumiy xodimlarning 50 foizigacha o‘sgan.
«Hozir biz bu yerda olomon bilan aralashib turibmiz va 40 foizi 50 yoshdan oshgan. Yangilaridan esa to‘rtdan uch qismi eski», dedi jangovar zonada Xerson yo‘nalishida jang qilayotgan havo-desant kuchlari ofiserlaridan biri.
Vyorstkaning Moskva meriyasidagi manbasiga ko‘ra, yoshi kattaroq harbiy xizmatchilar soni avgust oyida o‘sishni boshlagan. 60 va undan katta yoshdagi ruslar ham frontga yuboriladi, deydi u. Poytaxt meriyasidan yana bir suhbatdoshning ta’kidlashicha, urushning so‘nggi oylarida 45 yoshdan oshgan ko‘ngillilar ulushi harbiy harakatlarda qatnashishni xohlovchilarning 50 foiziga yetgan.
Bu ma’lumotni Mediazona va BBC rus xizmatining halok bo‘lgan rossiyalik harbiylar haqidagi statistik ma’lumotlari ham tasdiqlaydi – jurnalistlarning ma’lumotlariga ko‘ra, 2024 yil boshidan buyon Rossiya Qurolli kuchlarining 45 yoshdan oshgan 2475 nafar xodimi frontda halok bo‘lgan. Bu butun 2023 yilga nisbatan 18 foizga va 2022 yilda halok bo‘lganlar sonidan uch baravar ko‘pdir, deya ta’kidlaydi «Vyorstka».
Qozog‘iston Rossiya, Xitoy, Turkiya va Markaziy Osiyo davlatlarini ortda qoldirdi
Ukraina beshta shaharni yo‘qotish xavfi ostida
Turkiya, Eron, Rossiya, Qatar, Misr, Iordaniya va boshqa davlatlar Suriya bo‘yicha qo‘shma bayonot berdi
