Rossiyada bir hafta ichida tomlardan qor va muz tushishi oqibatida to‘qqiz kishi halok bo‘ldi.
Bu haqda Rossiya Favqulodda vaziyatlar vazirligi matbuot xizmati TASS agentligiga ma’lum qildi.
"O‘tgan hafta 32 ta mintaqada sodir bo‘lgan bir qator xavfli va noqulay ob-havo hodisalari ta’sirida vaziyat murakkablashdi. 25 ta mintaqada tomlardan qor va muz tushishi bilan bog‘liq 60 dan ortiq hodisa sodir bo‘ldi. Yigirma to‘rt kishi jarohat oldi, ulardan to‘qqiz nafari vafot etdi", dedi Favqulodda vaziyatlar vazirligi.