Rossiyaning Samara viloyati Mejdurechensk qishlog‘ida 10 yoshli uch nafar o‘smir 11 yoshli o‘zbekistonlik qizni zo‘rladi. Bu haqda «Lenta.ru» xabar berdi.
Ta’kidlanishicha, o‘zbekistonlik ayol Sizra tumanining huquqni muhofaza qilish idoralariga murojaat qilgan. Uning so‘zlariga ko‘ra, 10 noyabr kuni 2010 yilda tug‘ilgan uch nafar rossiyalik bola 11 yoshli qizga jinsiy tajovuz qilgan.
Tergovchilar voqea joyidan ashyoviy dalillar va qon izlarini topgan. Hodisa yuzasidan tergovga qadar tekshiruv o‘tkazilib, uning natijalari bo‘yicha prosessual qaror qabul qilingan.
