Bosh vazir Mixail Mishustin Yaponiya bilan yadro qurolini yo‘q qilishga ko‘maklashish bo‘yicha hamkorlik to‘g‘risidagi bitimni bekor qilish to‘g‘risidagi buyruqni imzoladi. Rossiya Tashqi ishlar vazirligiga Yaponiya tomonini ushbu qaror haqida xabardor qilish topshirildi.
Shartnoma 1993 yilda imzolangan. Bitim Rossiyaning yadro qurolini bosqichma-bosqich qisqartirishni nazarda tutgan. Yaponiya va Rossiya o‘zaro hamkorlikning asosiy yo‘nalishlarini belgilab oldilar va axborot almashdilar.
Mart oyida Yaponiya hukumati Rossiyaning Belarus hududida taktik yadro qurolini joylashtirish qarorini qoralagan edi. Iyul oyida Rossiya tashqi ishlar vaziri Sergey Lavrov Yaponiya o‘z hududida Amerika yadro qurolini joylashtirishga tayyorligini aytgan edi.
