Rossiya tomonidan bosib olingan hududlar elektr va suvsiz qoldi

Rossiya tomonidan bosib olingan Zaporoje va Xerson viloyatlari hududlarida elektr ta’minotida katta uzilishlar kuzatilmoqda.

Bu haqda Rossiya tomonidan tayinlangan «gubernatorlar» Evgeniy Balitskiy va Vladimir Saldo xabar bermoqda. Bunga Jankoy-Melitopol elektr tarmog‘idagi avariya sabab bo‘lgani aytilmoqda.

Zaporojeda, mahalliy jamoat sahifalari yozganidek, hamma joyda, jumladan Berdyansk va Melitopolda ham elektr yo‘q. Odamlar suv yetishmasligidan ham shikoyat qilmoqda.