Rossiya G‘azo sektoriga navbatdagi gumanitar yordam partiyasini jo‘natdi, deb yozadi «RIA Novosti» Rossiya Favqulodda vaziyatlar vazirligiga tayanib.
Rossiya Favqulodda vaziyatlar vazirligining Il-76 samolyoti 6 dekabr kuni ertalab Misrning El-Arish shahriga jo‘nab ketdi, u yerdan yuk G‘azo sektoriga yetkaziladi.
Rossiya Favqulodda vaziyatlar vazirligi bu safar 27,5 tonna insonparvarlik yordami, jumladan, bolalar ovqatlari, oziq-ovqat, shaxsiy gigiyena vositalari, matraslar, ko‘rpa-to‘shaklar va boshqalar jo‘natdi.