Harbiy tahlilchilarga ko‘ra, so‘nggi kunlarda Ukraina qo‘shinlari Kursk viloyatida oldinga siljishda davom etmoqda.
Urushni o‘rganish instituti ma’lumotlariga ko‘ra, ular Seym daryosi ustidagi Rossiyaning ponton ko‘priklariga zarba berishga intilib, g‘arb tomonda transchegaraviy operasiyalarni o‘tkazgan.
Sun’iy yo‘ldoshdan olingan suratlar Ukraina kuchlari kamida bitta shunday ko‘prikni vayron qilganini ko‘rsatmoqda.
Rossiyalik harbiy blogerlar ham, Rossiya Mudofaa vazirligi ham Ukraina kuchlari Vishnevka qishlog‘ini egallab olganini tan oldi. Ukraina qo‘shinlari Kiyev nazorati ostidagi eng yirik aholi punkti - Sudja shahri yaqinidagi o‘rmonli hududlarda ham oldinga siljigan.
Ukraina sharqida esa Moskva kuchlari Pokrovskning asosiy sharqiy tranzit markaziga zarba bermoqda, har kuni 600 ga yaqin odam qochmoqda.
Rossiya sharqdagi Toretsk shahri tomon ham oldinga intilmoqda, bu shaharning yo‘qotilishi Moskva kuchlarini Donbas mintaqasidagi Ukraina kuchlarining ko‘p qismiga qurol yetkazib beriladigan yo‘lga yaqinlashtiradi.