Rossiya Abxaziyaga ijtimoiy to‘lovlarni to‘xtatdi

Rossiya Abxaziyadagi shifokorlar, o‘qituvchilar va xavfsizlik kuchlariga ijtimoiy to‘lovlarni to‘lashni to‘xtatdi.

Bu haqda tan olinmagan respublika tashqi ishlar vazirligi rahbari Sergey Shamba ma’lum qildi. Unga ko‘ra, to‘lovlar 1 sentyabrdan to‘xtagan. Rasmiyning ta’kidlashicha, Moskva Suxum o‘z majburiyatlarini bajarmayotganidan norozi. U aynan qaysilarini aniqlamadi.

Avvalroq Abxaz OAVlari Kozak va Bjaniya o‘rtasidagi uchrashuv bayonnomasining taxminiy nusxasini chop etgan edi. Hujjatda aytilishicha, Rossiya Abxaziyaga moliyaviy yordamni respublika hukumati uchta majburiyatni bajarmaguncha to‘xtatadi:

🔷 iqtisodiy masalalar bo‘yicha sud va hakamlik qarorlarini o‘zaro tan olish to‘g‘risidagi bitimni ratifikasiya qilish;

🔷 Rossiya yuridik shaxslari tomonidan Abxaziya hududida investisiya loyihalarini amalga oshirish to‘g‘risidagi bitimning kuchga kirishini ta’minlash;

🔷 Abxaziya tijorat ko‘chmas mulk bozorida rossiyalik investorlar tomonidan cheklovlar olib tashlanishi.

Rossiya tomoni, shuningdek, sanksiyalar, jumladan, respublikaning yuqori martabali amaldorlari va muxolif kuchlari vakillarini Rossiya fuqaroligidan mahrum qilish bilan tahdid qildi, dedi Abxaziya TIV rahbari.